Yohaannisa 17:2-19

²Neeni iyaw immida ubbaas I merinaa de7uwa immana mela asa ubbaa bolla iyaw maata immadasa.

³Merinaa de7oy, nena, issi tuma Xoossaanne ne kiittida Yesuus Kiristtoosa ero.

⁴Neeni ta oothana mela immida oosuwa polada nena sa7an bonchchas.

⁵Ha77ika, Aawaw, alamey medhettanaappe sinthe ne matan taw de7iya bonchchuwan tana bonchcha.

⁶“Alamiya asaappe neeni taw immidayssata nena erisas. Entti neyssata; neeni entta taw immadasa. Entti ne qaalaskka kiitettidosona.

⁷Neeni taw immida ubbabay neeppe yidayssa entti ha77i eroosona.

⁸Neeni taw immida qaala taani enttaw immas; enttika he qaala ekkidosona. Taani ne matappe yidayssi tuma gideyssa eridi neeni tana kiittidaysaka ammanidosona.

⁹“Taani enttaw woossays. Entti neyssata gidiya gisho neeni taw immida asaas woossaysippe attin alamiyas woossike.

¹⁰Taw de7iya ubbabay nebaa; new de7iya ubbayka tabaa. Taani entta baggara bonchchettas.

¹¹Taani hizappe guye alamen de7ikke; entti alamen de7oosona. Taani ha77i neekko bays. Geeshsha Aawaw, ha neeni taw immidayssati neeranne taara issino gididayssada entti issino gidana mela entta ne taw immida ne sunthan naaga.

¹²Taani enttara sa7an de7ashe, ne taw immida ne sunthaa wolqqan entta naagas. Geeshsha Maxaafay gidayssi polettana mela dhayoy bessiya uraappe attin enttafe hari oonikka dhayibeenna.

¹³“Ha77i taani neekko bays. Ta ufayssay entta wozanan polo gidana mela hayssa taani alamen de7ashe odays.

¹⁴Taani enttaw ne qaala immas. Taani alameppe gidonnayssada, enttika alameppe gidonna gisho alamey entta ixxis.

¹⁵Neeni Xalaheppe entta naagana melappe attin alameppe kessana mela woossike.

¹⁶Taani alameppe gidonnayssada enttika alameppe gidokkona.

¹⁷Neeni ne tumatethan entta nebaa ootha; ne qaalaykka tuma.

¹⁸Neeni tana alamiya kiittidayssada taanikka entta alamiya kiittas.

¹⁹Qassi entti tuma nebaa gidana mela entta gisho taani ta huu7iya new immays.