YOHAAN 6:1-8

¹Dhali ’ko’di mii yansan mo tani Yesus yaki’d mo mmo’ciṯẖa/ gap̱ ma Al ma Jaliil mo a’di jin ta’da Al ma Thabariyya mo be.

²Dhala waambuhany ’kwani baṯẖki a’di nsho’k mo haali/ uni mishki miimer kun miikina a’di gom uni gwansan kun ’koshkina ’ba’th mo be.

³Dhala Yesus a’di yaki’d e ’kuwosh mo dhali a’di ki c̱a’ba ’cesh nyaḵki imanciḵ a’di gwo mo be.

⁴Dhali Mompe’kup̱anyolos jin yuḵuwa yuḵ gi ’Kwani Yahuuda/ ’dishki’d mo be.

⁵Dhali yan’ko’d mmo’deka a’di em piti ki mis mo dhali mmomisha a’diya waambuhany ’kwani mmop̱u’du/ i a’di mo tani Yesus ki owa P̱ilibbus gwo mo ki: ’Peni mana imina ana iyol maa mo jin mina ’kwani gwansan wakan i’taki shwa mo?

⁶Gwo yansan okina a’di mo mmopal a’di mo haali/ a’di mishki’d ki is piti gom to jin mina a’di ’taki mii mo be.

⁷P̱ilibbus ki thoḵ a’di gwo mo ki: Ariyaal iss ’kwanimpa ipe’de/ midi ’taki diki yol maaŋḵuthu’d mmo’kosh jwa mo gom uni ’baar mo ka ’deṯe/ ’deṯe/ mmo’ceṯẖ bwa ime’d ki gwa’d gwa’d mo.

⁸Jan ṯal ’deŋ kamu/ ’peni imanciḵ a’di gwo jin yuḵkunu gway ka Andaraawus mo jin ta’da kam ma Simaan Buṯerus mo o a’di gwo mo ki: