YOHAAN 2:1-6

¹Dhali ka cim kwara mo tani momiimash diki’d e Paŋ Kaana gi Pany Jaliil mo. Dhali KoYesus diki’d imun mo be.

²Dhala Yesus si’da/ yuḵkunu mo e momiimash yan mo nyaḵki imanciḵ a’di gwo mo be.

³Ki yimana mura’th bolu ki is mo tani KoYesus p̱u’dki’d mo dhali o a’di gwo mo ki: Uni dar gi yimana mura’th mo be.

⁴Dhala Yesus ki owa yim gwo mo ki: Ayy a’boma. A’di midi mii /e katinta dhali aha/ mo? Haali/ mom pem diki p̱u’d naskina/ mo be.

⁵Dhali kum ki o imanmiiya ṯu’c gwo mo ki: Miiyi a’diyin jin mina a’di iṯor um mo.

⁶Dhali dhur wosh ’kokini pe’de/ mo kun caaca mo kun dhukunu mo gom ’Kwani Yahuuda/ mo mmolam to mo me’d mii gi gwoŋḵan jin c̱inu mo be. Jin ṯal ’de/ ḵalki’da jaluun bwamani iss ’de/ mo walla jaluun bwamani iss ’de/ i’ce’dka ’kume’d mo be.