Yoane 6:1-7

¹Yogolec lobeina Yesu ye Galili lifuc, yogolec wacine monic Tiberias, yogo falockelu nebocina edi fewec.

²Ailu ye huckolec yengela pasile maaine bame, ngic-ngigac yenge yogo nganiibongte ailu ngic-ngigac habutowadi ye balaibeibong.

³Aime Yesu ye mic-tengtengfocine yengeholec kupicka felu ngiyeibong.

⁴Aime Yuda ngic-ngigac yengele Ewalicebaicnele hombangte dameng bangkalewec.

⁵Aime Yesu ye donge hilalu nganime ngic-ngigac habutowadi yela kwesiibong, nganicebalu Filip yanguc uwacnowec, “Nongileng nosing wenuwacni fuli balu ngic-ngigac habutowa yago yelebeng nodaingte?”

⁶Ye pasi banale ngagelu Filip lokwesac aicnolu uwacnowec.

⁷Uwacnome Filipdi bafaliyecnolu yanguc miwec, “Entacka moneng 200 yogolecsocti nosing fuli balu kpisic-kpisic heuckelu filesoc yelebeng yengelesoc mi aidaicte!”