Yoane 5:5-11

⁵Yepä biname puga ge, lui te pita cama senajenäjumi teetieit kämäge ngalebora.

⁶Yeesu teebine jepänige ätwitäneji puma, siige tabe umle ge, egä tabe lecaleca padare pita cama itu senajenäjumi. Tabe puma cita ca itemlige egä, “Nää, maane singi gäte miiji äbitame?”

⁷Pita biname te jejige egä, “Babo biname, nuuja biname lica gyene cebine ätityerame cupicu cabu me acaname, niiye te liba tuudruge. Cane liga cäme ca otnime läbitune, nuuja te uja luupluge.”

⁸Yeesu jejige egä, “Arpinanti, määme waaku ne ecati, siige ädi!”

⁹Tabe piba taatu miiji äbitige, teeme waaku ne ecatige, siige ädige. Yepä pui lui Sabade bimu ge.

¹⁰Israela biname cina jejisi, lui te miiji äbitige egä, “Ai lui Sabade bimu ge. Egäsu cotre gyene maane waaku ne acaname.”

¹¹Tabe jejemige egä, “Lui biname te miiji nawenige, tabe te najige cane waaku ne acatame siige otnime.”