Yoane 21:10-13

¹⁰Ana Yesu pisa, sape “Ika la nap̃a amiu ap̃ar ga na wa, awar p̃as vam ve kata.”

¹¹Ana Saemon Pita pitove, pa metava e waa, p̃erelua lilivi, p̃ere pimi ura. Ika mok pap̃isi, memaraun mesape sa p̃isi lilivi wororowa lawea, ana peraga, mep̃ere pimi pogaga. Pogos nap̃a mop̃ar plan ika la nene, mopuloia tol ponotia taaga lualima yam lima pa telu 153.

¹²Ana pogos nap̃a ika la manoa ruruia, Yesu pio, sape “Aimi akinana.” E pogos nene mepisu kilale ruru mesape Sup̃e ga nene, pe mesitom re si meviun mesape naga ai.

¹³Mepim mesike pa lele taaga narui, Yesu mla kilaparavi, pion pan imimi, amio m̃ena ika lala, ana makania.