Yoane 20:8-14

⁸Ena na koma uka ama kongo minom ikai furo tai epe bengua kanero fi ki siye.

⁹Fi ki sipa kakom tei no gama yokamai Yai Gumam kam mapunom fi fa dikepune. Te ka mapunom fi fa dikepunga mapunom i epe: Yesu goiro tokoi arongua mapunom i fi fa dikepune.

¹⁰Ena no gama yai surai inako dero ikinomdi tei fupuiye.

¹¹Ena Maria oparomi yono kongo minom mena tei arero moiro kai mei moiro ena gome dero kan kongo minom ikai dero

¹²kanungua Yai Gumam nuwi kokonan gan surai gai feke fingai ame dere moipika kanume. Te gan surai koma Yesu yono einga akaiyom moingoro yai ta i Yesu biromdi tei ame dongoro te gan ta kauwomdi tei ame dome.

¹³Ena gan surai “Opai yo, ne tora bengoro kai mei moine?” di teipikoro “Yokamai na Ari Wanopanom iro furo tei einga akaiyom kankero kai mei moiye,” di erere

¹⁴ena awa tero kanungua Yesu arero moimba oparomi “Yaromi Yesu moime,” di kankeme.