Yoan 18:9-12

⁹Ye isaav padi tovene, leso saveeŋ toni to muuŋ isavia ne anoŋa ivot. Saveeŋ tovene: ‘Yes to yom ugham di payou, you napul todi eta ilale maau.’

¹⁰Sawa tonenen, Simon Petrus le buza. Tovenen ipasi iza, ve isap motin ŋgeu eez taliŋa dige ila pa nima waan. Ŋgeu tonowen, ye daba to watooŋrau mbesooŋa toni. Iza Malkus.

¹¹Yesu isaav pa Petrus ighaze: “Ai! Uzeev buza tiom tonanan imuul ila ina. Vena, rubruub to Tamaŋ igham payou ne, irau naghun ila maau?”

¹²Ghoro yes ndaaba to Rom toman daba todi, ve yes uraata to yes Yuda timbaaŋ di tinim, tikis Yesu, tikau nima, ve tighami tila to Anas muuŋ, leso ilooŋ saveeŋ toni. Ndaman tonenen, Anas rawa Kaiapas, ye daba to watooŋrau.