Yesu Tɔ̃rɛ̀ 25:13-23

¹³Kɛ̀ dɛ̀ dɔ̀ yɛwe sɑ́m̀pɔ́ kóo kpɑ̀ɑ̀tì Akiripɑɑ nɛ̀ Bɛriniisi kɛ̀ bɛ̀ɛ kɔtɛ Sesɑdee kɛ bo dɔu Fɛsituusi,

¹⁴kɛ́mbo kɛ̀ dɛ̀ɛ mɔntɛ sɑ́m̀pɔ́ kɛ̀ Fɛsituusii ò nɑ̀kɛ́ kɛ dɔ̀: Fediisi n yóunɛ̀ onìtì mɔù kòò kpɑɑ́ kpetí.

¹⁵Kɛ̀ n sòò kɔ̀tɛ Sedisɑdɛmmu kɛ̀ ikuɔ́ nìùbɛ̀ kó bɛkótíbɛ̀ nɛ̀ Sifubɛ kó bɛkótíbɛ̀ kɛ̀ bɛ̀ n nɑ̀kɛ́ o kpɛ́í nkɛ dɔ̀ nh ò kùɔ.

¹⁶Kɛ̀ m bɛ̀ tɛ̃̀ńnɛ́ kɛ dɔ̀: Odommu kɔbɛ ɔ̃ɔ̃ í nduɔ́ nhonìtì o kpɑntídɛ̀ntɔbɛ̀ kɛ̀ bɛ̀ í bekɛ́, kòò nɑ̀kɛ́ o kpɛti.

¹⁷Mɛm̀mɛ kɛ̀ bɛ̀ɛ kɔtɛní diɛ, kɛ̀ dɛ̀ɛ wentɛ́ kɛ̀ m pɑ̃̀nkɛɛ tɑ kubeéndieku kɛ́duɔ́ nkɛ̀ bɛ̀ɛ yúní dɛ kóo nìtì.

¹⁸Bɛ̀ɛ̀ ò pĩ mbɛ̀ mɛ nyí nɑ̀kɛ́ mɛyɛi mmɑmɛ̀ n yɛ̀mmɛ̀ do dò mbɛ̀ yɛ̃ nh ò dɔ̀ɔ̀mɛ̀.

¹⁹Bɛ̀ do nɛì bɛ kó muwedɔummu kpɛ́í nkɛ nɛ̀ Yesu mɔù wèè ku kɛ̀ Pɔɔri tu ò fòù.

²⁰Bɑ́ n yí mbɑntɛ́ m bo bekɛ mɛ̀ɛ̀ botí dɛ kó tinɑ́ɑǹtì, kɛ́bekɛ Pɔɔri kòò bo ndɔ́ kɛ́kɔtɛ Sedisɑdɛmmu kɛ̀ bɛ̀ɛ kɛ́ mbekɛ́.

²¹Kɛ̀ Pɔɔri yetɛ kɛ tú: Ò dɔ́ okpɑ̀ɑ̀tì diɛwè weè ò bekɛ́nɛ̀, kɛ̀ m mɛ nyóu kòò kpetí kɛ kémmúnɛ̀ m bo ò duɔ́nkomɛ̀ Sesɑɑ.

²²Kɛ̀ Akiripɑɑ dɔ̀: M múnkɛ dɔ́ kɛ́keèmu dɛ kóo nìtì nɑ̀ɑ́ ntì. Kɛ̀ Fɛsituusi dɔ̀: A nɑɑ bo ò yɑ̀ kɛ́keè ò nɑ̀ɑ́mmɛ̀.

²³Kɛ̀ dɛ̀ɛ wentɛ́ Akiripɑɑ nɛ̀ Bɛriniisi kɛ̀ bɛ̀ nkɔri kɛ̀ bɛnìtìbɛ̀ bɛ̀ urí, kɛ̀ bɛ̀ɛ tɑ kubeéndieku kɛ nɛinɛ̀ iwɛ̃ĩ yɛmbɛ̀ nɛ̀ dihɛì kó bɛkótíbɛ̀, kɛ̀ Fɛsituusii duɔ́ nkɛ̀ bɛ̀ɛ yúní Pɔɔri.