Text copied!
CopyCompare
Bibiri Kuyie Nnɑ́ɑǹtì Pɑ́tíri - Yesu Tɔ̃rɛ̀ - Yesu Tɔ̃rɛ̀ 19

Yesu Tɔ̃rɛ̀ 19:20-27

Help us?
Click on verse(s) to share them!
20Mɛm̀mɛ kɛ̀ Kuyie nkó muwɛ̃rímú mbɛ̀ bonɛ̀ kɛ̀ Kirisi kɔbɛ sṹũnko.
21Kɛ̀ Pɔɔri dɔ̀: M bo nkɔri dìì mɔ̀nnì Sedisɑdɛmmu kɛ́yɛ̀ Mɑseduɔnni nɛ̀ Akɑyii kó itempɛ̃. Kɛ̀ n dèè mɛmmɛ nkɔtɛ Odommu.
22Mɛmmɛ ò duɔ́mmɛ̀ kɛ̀ Timɔntee nɛ̀ Edɑsiti bɛ̀ɛ̀ do ò teénnɛ̀ mutɔ̃mmú, kɛ̀ bɛ̀ɛ niitɛ́ kɛ́kɔtɛ Mɑseduɔnni kòo nkpɑɑ́ Asii kɛ dɔ̀ yɛwe sɑ́m̀pɔ́.
23Dɛ mɔ̀nnì ndi dikɔnkɔɔ̀nnì diɛrì tɑnnímɛ̀ Kuyie nnɑ́ɑǹtì kpɛ́í.
24Kòo nìtì mɔù bɛ̀ tu wè Demɛtiriyuusi kòò mɑ̀ɑ́tí mɛsɔɔ kɛ donnìkonɛ̀ Diɑnni kó kudieku, kɛ yietì o tɔ̃mbɛ̀ mɛsɑ̀ɑ̀.
25Kòo tíí ndiyiè mɑrì bɛtɔbɛ̀ bɛ̀ɛ̀ múnkɛ pĩ́ ndɛ kó mutɔ̃mmú, kɛ́ bɛ̀ nɑ̀kɛ́ kɛ dɔ̀: N kɔbɛ di yɛ̃́mu kɛ dò mmu ntɔ̃mmú muù te kɛ̀ ti mɔkɛ ti kpɛrɛ.
26Di wúómmu kɛ yo dɛ̀ í tú Efɛɛsi mɑ́ɑ̀, Asii kó kɛtenkɛ̀ kɛmɔu ndi Pɔɔri nɑ̀ɑ́mmɛ̀ bɛnìtìbɛ̀ kɛ tú bɛnìtìbɛ̀ dɔ̀ɔ̀ri sìì tenkɑɑnìi í tú Kuyie, kɛ̀ kusṹkù yìé nho kpɛti.
27Dɛ̀ í dò ndɛ̀ yóó cɑɑ̀rɛ̀ ti kó mutɔ̃mmú mɑ́ɑ̀, dɛ̀ bo cɑkɛ nɛ̀ ti kó dibɔɔ̀ diɛrì Diɑnni Aditemiisi kòo yètìrìi kɛ̃kɛ, Asii kɔbɛ nɛ̀ kutenkù kumɔu kɔbɛ tũ ndì bo nɑɑ́ dɛtetìrɛ̀.

Read Yesu Tɔ̃rɛ̀ 19Yesu Tɔ̃rɛ̀ 19
Compare Yesu Tɔ̃rɛ̀ 19:20-27Yesu Tɔ̃rɛ̀ 19:20-27