Yesu Tɔ̃rɛ̀ 17:1-8

¹Kɛ̀ bɛ̀ɛ pɛ̃ɛ̃tɛ́ Ãnfipodii nɛ̀ Apodonii kɛ́tuɔkɛ Tɛsɑdoniki, kɛ̀ Sifubɛ kó kutííntouku dɛ̀ bo.

²Kɛ̀ Pɔɔri tó tɑ Sifubɛ kó kutííntouku kɛ dɔ̀ siom̀pùu sìtɑ̃ɑ̃ti kɛ nɑ́ɑ́ Kuyie nnɑ́ɑǹtì.

³Kɛ́ mbɛ̀ nɑ̀ɑ́ nkɛ tú: Kirisi do dò nkɛ́fɛ̃́ṹtɛ́mu kɛ́kú kɛ́yɑ̃́ntɛ́, Yesu n di nɑ́ɑ́ nwèè kpɛ́í weè tu Kirisi.

⁴Bɛ miɛkɛ kɛ̀ Kɛrɛkibɛ bɛ̀ɛ̀ do dé Kuyie bɛnitipodiɛbɛ̀ kɛ̀ bɛ̀ɛ yie mPɔɔri nɛ̀ Sidɑɑsi kpɛti kɛ́nsũ mɛsɑ̀ɑ̀.

⁵Kɛ̀ dɛ̀ɛ yonkɛ Sifubɛ kɛ̀ bɛ̀ɛ yú bɛcièmbɛ̀ kɛ̀ bɛ̀ɛ wɛ̃nnɛ́ kɛ́ɑ̃nnɛ́ dikpɑ̀nnì kɛ́ítɛ́nɛ̀ kɛmiɛkɛ kɛ́nwɑnti Pɔɔri nɛ̀ Sidɑɑsi, kɛ́kɔtɛ Sɑsɔ̃ɔ̃ cĩ́ɛ̃̀tɛ̀ kɛ bo bɛ̀ kɔ̀tɛnɛ̀ ditĩ̀nnì borɛ̀,

⁶kɛ́ bɛ̀ mɔ̀ńtɛ́, kɛ́pĩ́ nSɑsɔ̃ɔ̃ nɛ̀ Yesu kɔbɛ mɑbɛ̀ kɛ́kɔtɛnɛ̀ bɛbeémbɛ̀ borɛ̀ kɛ́nwékíí kɛ tú: Dɛ kó bɛnìtìbɛ̀ cɑ̀ɑ̀ri kutenkù kumɔu kó ikuɔ́ nyi kɛ tùɔkɛní diɛ nkɛ̀ Sɑsɔ̃ɔ̃ bɛ̀ cɔutɛ́.

⁷Kɛ sènkɛ̀rì okpɑ̀ɑ̀tì Sesɑɑ kɛ nɑ́ɑ́ nkɛ tú okpɑ̀ɑ̀tì mɔù bo kɛ̀ bɛ̀ ò tu Yesu.

⁸Kɛ̀ dɛ̀ɛ yonkɛ bɛbeémbɛ̀ nɛ̀ dihɛì kɔbɛ.