Yesu Tɔ̃rɛ̀ 10:35-47

³⁵Bɑ́ kùù botí miɛkɛ wèè kù dé kɛ dɔɔ̀ri kù dɔ́mɛ̀ kù we ndɔ́.

³⁶Kuù tu bɛnìtìbɛ̀ bɛmɔu Yiɛ̀, kɛ duɔ́ nkɛ̀ bɛ̀ nɑ̀kɛ́ Isidɑyɛɛribɛ Tinɑ́ɑǹsɑ̀ɑ̀tì tìì bo tɑunnɛ̀ bɛnìtìbɛ̀ Kuyie nnɛ̀ Yesu Kirisi kpɛ́í.

³⁷Di yɛ̃́mu tìì dɔ̀ɔ̀ Sudee omɔu nɛ̀ Kɑdidee Isɑ̃ɑ̃ ɑ̃nnɛ́ dìì mɔ̀nnì bɛnìtìbɛ̀ bɑ̀tɛ́mmù kɛ́deè.

³⁸Di yɛ̃́mu Kuyie ntɑ̃ɑ̃tɛ́mɛ̀ Yesu Nɑnsɑrɛti kou, kóò duɔ́ Muyɑɑ́nsɑ̀ɑ̀mù nɛ̀ muwɛ̃rímú kòo ncentì tipíìtì timɔu kɛ miɛkùnko dibɔɔ̀ fɛ̃́ũnko bɛ̀, kɛ yɛ̃́ Kuyie nhò bonɛ̀mɛ̀.

³⁹Kɛ̀ ti yɑ̀ ò dɔ̀ɔ̀ dɛ̀ dɛmɔu Sifubɛ kó kɛtenkɛ̀ Sedisɑdɛmmu nɛ̀ yɛhɛkɛ̀ yɛmɔu. Kɛ̀ bɛ̀ ò bɑɑkɛ́ kudɑpɑ̃ɑ̃tí kɛ kùɔ.

⁴⁰Kɛ̀ Kuyie nhò fòùkùnnɛ diyiè tɑ̃ɑ̃́nnì yiè kɛ duɔ́ nkòò ti bɛnkɛ omɑ́ɑ̀.

⁴¹Tínti kù tɑ̃ɑ̃tɛ́ bɛ̀ nɛ̀ dimɔ̀nnì kɛ̀ ti bo nɑ́kɛ́ o kpɛ́í, kɛ̀ ti ò wɛ̃nnɛ́nɛ̀ kɛ di kɛ yɑ̃̀.

⁴²Kòò yɛ̃ nti nnɑ́ɑ́ mbɛnìtìbɛ̀, weè túmɛ̀ Kuyie ntɑ̃ɑ̃tɛ́ wè kòò bo bekɛ́nɛ̀ bɛfòùbɛ̀ nɛ̀ bɛcíríbɛ̀.

⁴³Kuyie mpɑ̃ɑ̃nɑ́ɑǹtì nɑ́ɑm̀bɛ̀ bɛmɔu nɑ̀kɛ́ weè kpɛ́í nkɛ tú wèè ò tɑ̃́ kùu ò cĩ̀ɛ̃́ nho yɛi nnɛ̀ o kó diyètìrì kpɛ́í.

⁴⁴Piɛri kpɑɑ́ kɛ nɑ́ɑ́ mɛmmɛ kɛ̀ Muyɑɑ́nsɑ̀ɑ̀mùu cútɛ́ní ò nɑ̀ɑ́nnɛ̀ bɛ̀ ĩ́nkɛ̀.

⁴⁵Kɛ̀ dɛ̀ɛ di Sifubɛ bɛ̀ɛ̀ tu Yesu kɔbɛ kɛ nɛínɛ̀ Piɛri, Muyɑɑ́nsɑ̀ɑ̀mù Kuyie nduɔ̀ mmù cùtɛ́nímɛ̀ bɛ̀ɛ̀ í tú Sifubɛ bɛ ĩ́nkɛ̀.

⁴⁶Kɛ yɛ̃́ bɛ̀ do yomɛ̀ kɛ̀ bɛ̀ nɑ̀ɑ́ ntinɑ́ɑǹcɑ̀ntì kɛ sɑ̃ntí Kuyie nkù dɛumɛ̀.

⁴⁷Kɛ̀ Piɛri dɔ̀: Ti bo nɑ kɛ́yetɛ ti bo bɛ̀ ɑ̃nnɛ́mɛ̀ bɑ̀tɛ́mmù mɛniɛ nkou, bɛmbɛ Muyɑɑ́nsɑ̀ɑ̀mù cùtɛ́ní bɛ̀ɛ̀ ĩ́nkɛ̀ mù cùtɛ́ní mɛ̀ɛ̀ botí ti ĩ́nkɑ̀ɑ̀?