Yahaya 3:8-13

⁸Iska takan hura duk inda ta ga dama. Ka kan ji motsin ta, amma ba ka san inda ta fito ko inda za ta tafi ba. Haka duk wanda aka haifa daga Ruhu.”

⁹Nikodimu ya amsa yace masa, “Yaya wannan zai yiwu?”

¹⁰Yesu ya amsa yace masa, “Kai malami ne a Israila amma ba ka san wadannan al'amura ba?

¹¹Hakika, hakika, ina gaya maka, muna fadin abubuwan da muka sani, kuma muna shaida abubuwan da muka gani. Duk da haka ba ku karbi shaidar mu ba.

¹²Idan na gaya maka abubuwan da ke na duniya amma baka gaskata ba, to yaya zaka gaskata idan na gaya maka abubuwa na sama?

¹³Babu wanda ya taba hawa zuwa sama sai dai shi wanda ya sauko daga sama: wato Dan Mutum.