Yaburina 96:1-11

¹Bɛti nɛnɛn xa ba Alatala xa! Dunuɲa muxune birin xa bɛtin ba Alatala xa.

²Bɛtin xa ba Alatala xa, a xinla yi tantun! Ɛ yi lu a raliyɛ waxatin birin yi fa fala a bata en nakisi.

³Ɛ a binyena fe fala siyane birin xa, ɛ yi a kabanako feene rali muxune birin ma.

⁴Alatala gbo, a lan a xa matɔxɔ han! A lan a xa binya dangu alane birin na.

⁵Siyane alane birin findixi ala fuune nan na, koni Alatala tan bata koren da.

⁶A rabilinxi nɔrɔn nun gboon nan na. A yire sariɲanxin nafexi sɛnbɛn nun binyen nan na.

⁷Ɛ tan dunuɲa siyane birin, ɛ fa Alatala tantun, ɛ yi a tantun a binyen nun a sɛnbɛna fe ra.

⁸Ɛ fa Alatala tantun a xili binyena fe ra. Ɛ fa kiseene ra a Batu Banxini.

⁹Ɛ Alatala batu a nɔrɔ sariɲanxini. Dunuɲa muxune, ɛ xuruxurun a yɛtagi.

¹⁰Ɛ yi a fala siyane xa, a Alatala nan mangan na. Nanara, dunuɲa a kiini, a mi yigisanma. Ala siyane makitima tinxinna nin.

¹¹Kore xɔnna nun bɔxɔ xɔnna xa sɛwa han! Fɔxɔ igen xa a xuini te e nun seen naxanye a xɔrɛ ra.