Yaburina 94:4-13

⁴Fe ɲaxi rabane e yɛtɛ matɔxɔma kanba falane yi.

⁵Alatala, e bata i ya muxune yigbɛtɛn. E bata i ya yamaan nayarabi.

⁶E kaɲa gilɛne nun kiridine nun xɔɲɛne faxama.

⁷E yi a fala, e naxa, “Alatala mi nxu toma. Yaxubaa Ala mi a ɲɔxɔ luxi a xɔn.”

⁸Ɛ a liga ɛ yeren ma ɛ tan xaxilitarene, ɛ tan daxune, ɛ xaxili sɔtɔma waxatin mundun?

⁹Ala naxan en tunle rafalaxi, a tan mi fala xuiin mɛma ba? Ala naxan en yɛɛne rafalaxi, a tan mi toon tiin ba?

¹⁰A tan naxan siyane birin xuruma, a mi e fe saranma e ra ba, a tan naxan muxune xaranma fe kolonna ma?

¹¹Alatala muxune miriyane kolon, a sese mi ne ra.

¹²Alatala, sɛwan na kanna xa i naxan xuruma, i naxan xaranma i ya sariyan xɔn.

¹³I matabun fi a ma tɔrɔ lɔxɔne yi, han yinli ge muxu ɲaxine yɛɛ ra.