Yaburina 8:1-8

¹Dawudaa bɛtina, bɛti baane kuntigin xa. A xa ba Gati kaane kondenna ra.

²Nxu Marigina Alatala, i tan nan xili gbee kanna ra bɔxɔn birin yi! I bata i ya nɔrɔn nate han kore xɔnna ma!

³I bata diidine nun dii ɲɔrɛne yamari e yi i matɔxɔ alogo i yaxune xa e dundu, e nun yɛngɛfane nun gbeeɲɔxɔ tiine.

⁴N na koren mato i naxan nafalaxi i yiin na, kiken nun sarene i naxanye dɔxi e yirene yi, n naxa,

⁵“Nanse daɲɔxɔn na, i to i yengi dɔxi a xɔn? Nanfera i ɲɔxɔ luxi adamadiin xɔn?”

⁶I a daxi nɛn, a nɔrɔn yi maso malekane ra. I binyen nun xunnayerenna fi a ma.

⁷I bata yamarin so a yii i ya dali seene birin xunna. I bata seen birin lu a sanna bun:

⁸alo xuruse kurune nun ɲinge kurune nun burunna subene