Yaburina 89:33-41

³³nayi, n na e murutɛ feene saranma e ra nɛn dunganna ra, n yi e ɲaxankata e hakɛne fe ra.

³⁴Koni n ma hinanna luma nɛn Dawuda xɔn, n mi n ma tinxinyaan kalama.

³⁵N mi n ma layirin kalɛ. N na a tuli saxi naxan na, n mi na maxɛtɛ.

³⁶N bata n kɔlɔ n ma sariɲanni n mi wulen falama Dawuda xa,

³⁷a yixɛtɛne luma nɛn habadan, a mangayaan buma nɛn n yɛtagi alo sogena.

³⁸A buma nɛn mangayani habadan alo kikena, naxan kore xɔnna ma taxamasenna ra waxatin birin.”

³⁹Koni i bata i mɛ a ra, i yi a masiga i ra! I bata xɔlɔ i ya manga sugandixin ma han!

⁴⁰I bata i ya layirin kala i naxan xidi ɛ nun i ya walikɛɛn tagi. I bata a mangaya taxamasenna rabira bɔxɔni.

⁴¹I bata a taan yinne birin nabira. I yi a yire makantanxine findi taa xɔnne ra.