Yaburina 7:3-17

³Yaxune nama n yibɔ alo yatana, naxan ma se suxi mi xunbɛ.

⁴Alatala n ma Ala, e n kansunma naxan na, xa n sɔnna na a ra,

⁵xa n bata fe ɲaxin dɔxɔ muxun na, nxu nun naxan dɔxi bɔɲɛ xunbenli, xa n bata n yɛngɛfaan muɲa tɔɲɛgɛni,

⁶nayi, i xa tin n yaxune xa n kedi, e yi n suxu, e yi n mabodon, e yi n fatin lu saxi gbangbanni.

⁷Alatala keli i ya xɔlɔni, keli n yaxu xaɲɛne xili ma. Keli, n ma Ala, i sariya kɛndɛn sa!

⁸Siyane malanxin xa i rabilin, i mangayaan liga e xunna.

⁹Alatala xa siyane makiti. Alatala, i xa n ma kitin sa n ma tinxinni, bayo fɛ yo mi n na.

¹⁰Danna sa muxu ɲaxine gbalone ra! I xa tinxin muxune ratanga, i tan Ala tinxinxina, i tan naxan muxun bɔɲɛne nun sɔndɔmɛne rakɔrɔsima.

¹¹Ala nan n yɛ masansan wure lefaan na. A muxu sɔndɔmɛ faɲine rakisima nɛn.

¹²Ala nan kitisa tinxinxin na. Ala na a ra naxan xɔlɔma waxatin birin.

¹³Xa muxu ɲaxin mi tubi Ala ma, a silanfanna raxanxanma nɛn, a yi a xanla ba a woli xinla ma.

¹⁴Ala bata a faxa ti seene tongo, a a xalimakunle findi tɛɛn na.

¹⁵Naxan lugoxi tinxintareyaan na, a mɔn nafexi gbalon na, a raɲanna nan wulen na.

¹⁶A yinla gema a a ratilin, a yɛtɛɛn yi bira a kui.

¹⁷A tɔrɔn nun gbalon nakeli, ne yi xɛtɛ a ma.