Yaburina 78:1-6

¹Asafi a fala ɲaxumɛna. N ma muxune, ɛ ɛ tuli mati n ma xaranna ra, ɛ yi n ma fala xuine ramɛ.

²N sandane nan sama. N wundo fonne nan yɛbama.

³En bata feen naxanye mɛ, en yi e to, en fafane feen naxanye falaxi en xa,

⁴en mi ne luxunɲɛ en ma diine ma. En Alatala matɔxɔ feene nun a sɛnbɛn nun a kabanako feene falama en mamanden famatɔne xa.

⁵A bata tɔnne so Yaxuba bɔnsɔnna yii. A mɔn yi sariyan so Isirayila yii. A en fafane yamari, a e xa e diine xaran na ma,

⁶alogo muxu famatɔne xa e kolon. Hali diin naxanye munma bari singen, ne fan yi a fala e diine xa.