Yaburina 72:9-17

⁹Naxanye wulani ne e xinbi sinma a bun ma nɛn. A yaxune e sama bɔxɔn ma nɛn a bun ma.

¹⁰Tarasisi mangane fama kiseene ra nɛn a fɛma e nun fɔxɔ ige tagi bɔxɔne. Saba nun Sɛba mangane mudun fima a ma nɛn.

¹¹Mangan birin e xinbi sinma a bun ma nɛn. Siyane birin wanla kɛma a xa nɛn.

¹²A tɔrɔ muxune xunbama nɛn naxanye na a xili, e nun yiigelitɔ rabeɲinxine.

¹³A kininkininma sɛnbɛtarene nun tɔrɔ muxune ma nɛn. A tɔrɔ muxune niin nakisi.

¹⁴A e xɔrɔyama nɛn mayigbɛtɛnna nun gbalon ma, bayo a e yatɛxi.

¹⁵Ala xa mangan bu! Ala xa xɛmaan fi a ma keli Saba yamanani. Yamaan xa Ala maxandi a xa waxatin birin! E xa duba a xa fɛriɲɛn gbɛn!

¹⁶Ala xa donseen wara ayi bɔxɔni. Geyane xa rafe siseene ra. E xa bogi alo naxanye Liban yamanani. Taa kaane xa sabati alo sɛxɛna.

¹⁷Ala xa mangan findi xili kanna ra habadan! A xinla xa bu alo sogena. Siyane birin duban sɔtɔma nɛn a barakani. E fan yi duba a xa.