Yaburina 69:14-31

¹⁴Koni Alatala, n na i tan nan maxandima. I ya hinan gbeen waxatin ni i ra n xa. Ala, n yabi i ya marakisi barakaxini.

¹⁵N xunba, n nama bitin boroni. N xunba n yaxune yii, n ba tilinni.

¹⁶I nama tin fufaan yi sa n xun ma. I nama tin n yi n mamin tilinni, hanma n bitin gaburun na.

¹⁷N ma Alatala, n yabi i ya hinanna nun i ya fanni. I firifiri n binni i ya kininkinin gbeeni.

¹⁸I nama i yɛtagin luxun i ya walikɛɛn ma. N yabi iki sa! Bayo n tɔrɔxi.

¹⁹Fa n fɛma i yi n nakisi. N xunba n yaxune yii.

²⁰I a kolon n konbima kii naxan yi, n na yagima, n na yarabima. I n yaxune birin toma.

²¹Konbin bata n bɔɲɛn kala han n yigitɛgɛ. N yengi yi kininkininna a fe ma nun koni se mi na. N yengi yi madɛndɛnna nan ma nun, koni n mi se to.

²²E dabarin sama n ma donseni. Min xɔnla to n suxu, e minse xɔlɛn so n yii.

²³Ala xa e ɲaxaɲaxane findi luti ratixin na e yɛɛ ra. Ala xa e hɛrin findi e suxu xunna ra.

²⁴E yɛɛne xa rafɔrɔ ayi, e yi danxu! E fanne xa ba a ra waxatin birin!

²⁵I xa fitina e xili ma, i ya xɔlɔ gbeen yi e li.

²⁶E dɔxɔden xa kala. Muxe nama lu e bubune kui.

²⁷Bayo, i naxanye tɔrɔxi, e ne ɲaxankatama. I naxanye ɲaxankataxi, e ne fe falama sɛwani.

²⁸I xa e magi e hakɛne birin na. E nama i ya kisin sɔtɔ mumɛ!

²⁹Ala xa e xinle ba nii rakisin kitabun kui. E nama basan tinxin muxune xinle ra.

³⁰Koni n xɔlɛni, n mɔn yigitɛgɛxi. Ala, i ya marakisin xa n natanga!

³¹N na Ala xinla matɔxɔma bɛtini nɛn. N yi a gboon nali, n barikan bira a xa.