Yaburina 50:2-14

²Alaa nɔrɔn mayilenma keli Siyon yi na taa kamalixi tofaɲina.

³En ma Ala fama, a mi dunduxi. Kala ti tɛɛ gbeena a yɛɛ ra, foye gbeena a rabilinxi.

⁴A koren nun bɔxɔn xilima e xa findi seren na a yamaan makitideni.

⁵A yi a fala, a naxa, “N ma muxu tɔgɔndiyaxine malan n fɛma, naxanye layirin xidixi n xɔn ma saraxa baan na.”

⁶Koren xɔnna a tinxinyaan nalima nɛn, bayo Ala yɛtɛɛn nan kitisaan na.

⁷“N ma yamana, ɛ ɛ tuli mati, n falan tima nɛn. Isirayila, n na ɛ maxadima, bayo Ala nan n tan na, ɛ Ala.

⁸N mi ɛ maxadima ɛ saraxane xan ma fe ra. Ɛ saraxa gan daxine bama n xa waxatin birin.

⁹Koni, n mi turaan xa tongoma ɛ sansanne yi xanamu kɔtɔn naxan ɛ kulane yi.

¹⁰Amasɔtɔ n gbeen nan burunna subene birin na. N gbeen nan ɲingene ra naxanye geya wuli wuyaxine ma.

¹¹N tan nan xɔline ngaan kanna ra naxanye geyane ma e nun niimaseen naxanye birin fixɛne ma.

¹²Xa kamɛn yi n suxun nɛn nun, n mi na falɛ i xa, amasɔtɔ n tan nan gbee dunuɲa nun ayi seene birin na.

¹³N ɲinge suben donɲɛ ba? Ɛn-ɛn de! Xanamu n siin wunla min? Ɛn-ɛn de!

¹⁴Nanara, barika biran xa findi ɛ saraxan na Ala xa. Ɛ ɛ dɛ ti xuine rakamali Kore Xɔnna Ala xa.