Yaburina 49:6-20

⁶Nanfera n gaxuma gbalo lɔxɔne yɛɛ ra, hakɛ kan yanfantenne n nabilinma waxatin naxan yi?

⁷E yigin saxi e se kanyaan nan ma, e mɔn yi e kanba e nafulu kanyani.

⁸Muxun mi nɔɛ a boden xunbɛ. A mi nɔɛ a niin saren soɛ Ala yii.

⁹Amasɔtɔ muxun niin xunbaan xɔdɔxɔ! A mi nɔɛ a saren fiyɛ,

¹⁰alogo a xa bu habadan, a mi faxa.

¹¹Amasɔtɔ, en birin a kolon xaxilimane fan faxama e nun daxune nun kɔmɔne. E birin e nafunle luma muxu gbɛtɛ ne nan yii.

¹²Gaburun yi findi e habadan banxin na, e luma dɛnaxan yi, dan mi naxan na, hali bɔxɔn to yi e yii e yɛtɛ ra.

¹³Muxuna gboon mi a rabuyɛ. A fan faxama nɛn alo subene.

¹⁴Muxun naxanye laxi e yɛtɛ ra fuyan nin, e sigaden nan na ra, naxanye wasaxi e nafunle ra, ne raɲanma na kii nin.

¹⁵E rasigama laxira yi nɛn alo yɛxɛɛn naɲanna to faxan na. Sayaan yi e gbindine don. Muxu faɲine nɔɔn sɔtɔma nɛn e xun na sinma, e tofanna yi kala, e siga gaburuni.

¹⁶Koni Ala n niin xunbama nɛn laxira yi yati! A yi n xali.

¹⁷Muxun na nafunla sɔtɔ, a nafunli gbo ayi, i nama gaxu,

¹⁸bayo a mi sese xalima a yii laxira yi. A hɛrisigɛn mi birama a fɔxɔ ra.

¹⁹Hali duba diin nan yi a ra a dunuɲa yi gidini, hali a to matɔxɔxi, a yi sabatixi waxatin naxan yi,

²⁰a sama a benbane fari nɛn laxira yi. Ne mi fa dunuɲa toma sɔnɔn.