Yaburina 45:9-17

⁹Latikɔnɔnna nun se xiri ɲaxumɛne i ya dugine yi. Maxa se maxane i rasumunma mangane banxine yi naxanye maxidixi sama ɲinne ra.

¹⁰Mangane dii tɛmɛne ɲaxalandi tiine yɛ. I ya batɛn tixi i ya mangaya gbɛdɛn yii fari fɔxɔni. A maxidi seene rafalaxi xɛma faɲin nan na.

¹¹Mangana ɲaxalandina, i tuli mati n ma falan na. Ɲinan i kon kaane nun i bari bodene xɔn ma.

¹²I xɔnla bata mangan suxu i ya tofanna fe ra. I ya kuntigin na a ra, i xa a binya.

¹³Tire kaane fama kiseene ra i xa nɛn. Nafulu kanne i ya fanna fenma nɛn.

¹⁴Binyen birin mangana dii tɛmɛn xa mangayani. A doma gbeen nafalaxi xɛma dugin nan na.

¹⁵E nun a doma rayabuxin nan sigan mangan fɛma ɲaxalandi tiine biraxi a fɔxɔ ra a tideni.

¹⁶E so mangana genla ma sɛwan nun ɲaxan nin.

¹⁷I tan mangana, i dii xɛmɛ wuyaxi sɔtɔma nɛn naxanye luma mangayani i benbane funfuni. I e findima kuntigine ra nɛn bɔxɔn birin xun na.