Text copied!
CopyCompare
Kisin Kiraan Kitabuna - Yaburina - Yaburina 38

Yaburina 38:10-19

Help us?
Click on verse(s) to share them!
10Marigina, n naxan fenma, i na kolon. I bata n kutun xuiin birin mɛ.
11N bɔɲɛn dinma, n fangan bata ɲan. N yɛtagin bata yitɔɲɔn.
12N xɔyine nun n dɔxɔ bodene mi fa fama n fɛma amasɔtɔ n ma furen xɔn. Hali n kon kaane bata e makuya n na.
13Naxanye waxi n faxa feni, ne bata lutin nati n yɛɛ ra. Naxanye waxi n maxɔlɔ feni, ne n kala feen falama. E mi xadanma fe ɲaxi yitɔndeni.
14N bata liga alo tuli xɔrina, n mi fe mɛma. N bata liga alo bobona, n mi fala tima.
15N bata liga alo muxun naxan mi yabin tiyɛ amasɔtɔ a mi fe mɛma.
16Koni Alatala, n xaxili tixi i tan na. I n yabima nɛn, Marigina n ma Ala.
17N naxa, “I nama tin n yaxune yi e xunnayeren n na, e nama ɲaxan n ma tɔrɔn na.”
18N biramatɔɔn na a ra. N xɔlɛni waxatin birin.
19N bata n ti n hakɛne ra, n yulubine bata n naxamin kati!

Read Yaburina 38Yaburina 38
Compare Yaburina 38:10-19Yaburina 38:10-19