Yaburina 32:1-6

¹Dawudaa fala ɲaxumɛna. Sɛwan na kanna xa naxan ma matandine bata mafelu naxan yulubine bata xafari.

²Sɛwan na adaman xa Alatala bata diɲa naxan hakɛn ma e nun mayifu mi naxan yi.

³N to munma yi n ti n hakɛne ra nun, fɛriɲɛn gbɛn kutunne yi n nayelefuma.

⁴I ya tɔrɔn yi n fari kɔɛɛn nun yanyin na. Fangan yi ɲan n na a liga alo n tonbon yiren nin.

⁵Awa, n yi n ti n yulubine ra i xa. N mi n ma hakɛ yo luxun i ma. N naxa, “N na n tima nɛn n ma matandine ra Alatala xa.” Awa, i yi n hakɛne nun yulubine birin ba n ma.

⁶Nanara, muxu tɔgɔndiyaxine birin xa i mafan a waxatini, alogo fufaan na fa, a nama e li.