Yaburina 25:2-13

²N ma Ala, n yigin saxi i tan nan yi. N nama yagi. I nama tin n yaxune yi n nɔ, e sɛwa.

³Naxan na a xaxili ti i ra, na kanna mi yarabima mumɛ! Koni naxanye yanfan soma, ne yagin sɔtɔma nɛn.

⁴Alatala, kiraan yita n na, i xa n xaran i ya kiraan ma.

⁵N xa sigan ti i ya ɲɔndini, n xaran. Amasɔtɔ n nakisima Ala nan i tan na. N xaxili tixi i ra fɛriɲɛn gbɛn!

⁶Alatala, i xaxili lu i ya kininkininna nun hinanna xɔn bayo e yi na xabu a fɔlɔni.

⁷I nama i miri n ma foningeya yulubine nun matandine ma! N suxu i ya hinanni, amasɔtɔ i fan, Alatala.

⁸Alatala fan, a mɔn tinxin, nanara a yulubi kanne xaranma a kirane ma.

⁹Naxan a yɛtɛ magodoma, a a sariyan nabirama na ma. A mɔn a xaranma a sagoon na nɛn.

¹⁰Naxanye a layirin maxadine suxi, Alatala hinan, a mɔn lannayaan nabama ne nan xa kiin birin yi.

¹¹Alatala, n hakɛne mafelu i xinla a fe ra, amasɔtɔ a gbo.

¹²Nde gaxuma Alatala yɛɛ ra? A kiraan yitama na kanna ra a lan a xa sigan ti naxan xɔn.

¹³Na kanna sabatima nɛn a siimayani, bɔxɔn yi findi a diine kɛɛn na.