Text copied!
CopyCompare
Kisin Kiraan Kitabuna - Yaburina - Yaburina 22

Yaburina 22:3-14

Help us?
Click on verse(s) to share them!
3N ma Ala, n ni i xilima yanyin na, koni i mi n yabima. Hali kɔɛɛn na, n mi n dundɛ.
4Koni i tan sariɲan, i ya mangaya gbɛdɛn nabilinxi Isirayilaa tantunna ra.
5Nxu benbane yigin saxi i tan nan yi. E e yigin sa i yi, i yi e ratanga.
6E to e xui ramini i ma, i yi e xɔrɔya. E yigin saxi i yi, nanara, e mi yagixi.
7Koni daɲɔxɔ mi fa n tan na sɔnɔn. N ligaxi nɛn alo kunla adamadiin naxan naɲaxuxi yamaan naxan bɔtɛ raba.
8Naxanye na n to, e yo n ma. E yi e dɛɛn bɛtɛxun, e e xunne yimaxa.
9E naxa, “A tan naxan Alatalaa fe yi, Alatala a ratangama ba? Xa a rafan Alatala ma, a xa a xunba.”
10Koni i tan nan n naminixi nga kuini, i yi n sa nga kanken ma.
11Xabu n bari lɔxɔni, n taxuxi i ra. N ma Ala nan i ra, xabu n yi nga kuini waxatin naxan yi han iki.
12I nama i makuya n na. Tɔrɔn bata maso n na, muxu yo mi na yi naxan n maliyɛ.
13N yaxune n nabilinxi alo turane, alo Basan yamanan tura xaɲɛne.
14E dɛɛne yibixi alo yatane, e wurundunma n ma, e xa n yibɔ.

Read Yaburina 22Yaburina 22
Compare Yaburina 22:3-14Yaburina 22:3-14