Yaburina 19:1-11

¹Dawudaa bɛtina, bɛti baane kuntigin xa.

²Kore xɔnna nan Ala a nɔrɔn mayitama. Koren nan Ala a wanla makɛnɛnma.

³Yanyin kawandin bama lɔxɔ yo lɔxɔ. Dimin xaxili fima kɔɛ yo kɔɛ.

⁴Xui yati mi a ra, falane fan mi a ra. Tunla mi e xuiin mɛma.

⁵Koni, hali na, e fala xuiin bɔxɔn birin lima, e falane yi siga han dunuɲa danna. Ala nan banxin nafalaxi sogen xa kore.

⁶Sogen minima nɛn alo xɛmɛn naxan minima a banxini siga futu xidideni, alo fangamaan naxan sigan tima a yɛtɛna a kiraan xɔn.

⁷A minima sogetedeni, a sa ɲan sogegododeni. Sese mi luxunɲɛ a xɔlɔn ma.

⁸Alatalaa sariyan kamalixi, a muxun nii yifanma a ma. Ɲɔndin nan Alatalaa maxadi xuine ra. E xaxilitarene findima xaxilimane ra.

⁹Alatala fe ragidixine tinxin. A muxun bɔɲɛn nasɛwama nɛn. Alatalaa yamarine nɔrɔxi. A muxun xaxinla rabima nɛn.

¹⁰Alatala a yɛɛragaxun sariɲan. A buma habadan. Ɲɔndin nan Alatalaa kitine ra, e tinxin feu!

¹¹E fisa xɛmaan xa, e fan xɛma faɲine birin xa. E ɲaxun kumin xa, dangu kumi xinden na.