Yaburina 139:3-15

³I a kolon n nɛma sigatini hanma n nɛma saxi, i n kɛwanle birin kolon.

⁴Alatala, benun n xa falan ti waxatin naxan yi, n naxan falama i na kolon ki faɲi.

⁵I n nabilinni, n yɛɛ ra e nun n xanbi ra. N ni i tan nan yii.

⁶Na fe kolonna magaxu n tan yɛɛ ra yi. A dangu n na, n mi nɔɛ a yigbɛ mumɛ!

⁷N nɔɛ sigɛ minɛn, n yi n luxun i ya Nii Sariɲanxin ma? N sigan minɛn yi, n keli i tan yɛtagi?

⁸Xa n te ariyanna yi, i na yi. N na siga laxira yi, i na yi.

⁹Hali n siga han sogetedeni, hanma n sa dɔxɔ fɔxɔ igen xanbi ra,

¹⁰i tima nɛn n yɛɛ ra mɛnna fan yi, i mi n nabeɲinɲɛ mumɛ!

¹¹Xa n na a fala, n naxa, “N xa n luxun dimini. Kɛnɛnna xa findi kɔɛɛn na n nabilinni.”

¹²Koni sese mi dimin na i tan yɛɛ ra yi, kɔɛni yalan alo yanyina i tan yɛɛ ra yi. Dimin nun yanyin birin lan i tan xa.

¹³I tan nan n sɔndɔmɛn daxi, i tan nan n saxi nga fatini.

¹⁴Ala, n ni i tantunma, amasɔtɔ n da kiin magaxu, i kɛwanle magaxu. N na a kolon n niini ki faɲi.

¹⁵N fati bɛndɛn mi yi luxunxi i tan ma, i to yi n nafalama suturani i yi n dama nga kui waxatin naxan yi.