Text copied!
CopyCompare
Kisin Kiraan Kitabuna - Yaburina - Yaburina 119

Yaburina 119:161-169

Help us?
Click on verse(s) to share them!
161Mangane bata n ɲaxankata fu, koni n gaxuma i tan nan keden ma fala yɛɛ ra.
162N sɛwaxi i dɛ xui tongoxine fe ra, alo n na nafulu gbeen sɔtɔ.
163Wulen mi rafan n ma, koni i ya sariyan nafan n ma.
164N ni i tantunma nɛn dɔxɔɲa ma solofere lɔxɔ yo lɔxɔ i ya kiti tinxinxine fe ra.
165Bɔɲɛ xunbeli gbeen na kanne xa i ya sariyan nafan naxanye ma, sese mi na kanne ratantanɲɛ.
166Alatala, n yigi saxi i tan nan ma marakisi yi, n luma nɛn i ya yamarine suxɛ.
167N na i ya maxadi xuine suxuma nɛn n niin birin na, bayo e rafan n ma ki faɲi.
168N bata i ya fe ragidixine nun i ya maxadi xuine suxu, i n kɛwanle birin kolon.
169Alatala, n ma mawuga xuiin xa i li. Xaxinla fi n ma alo i a falaxi kii naxan yi.

Read Yaburina 119Yaburina 119
Compare Yaburina 119:161-169Yaburina 119:161-169