Yabura 9:13-18

¹³Ala ratuxi wuli filixi ma, a fan na ɲɔxɔma nɛ. A tɔɔrɔmixie wa xui danxunxi.

¹⁴Alatala, kinikini n ma. I xa n mato. A mato n yaxuie na n tɔɔrɔfe ki naxɛ. I tan naxan n nakisima saya kira ma,

¹⁵alako n xa i tantu Siyoni ɲama tagi, n xa sɛɛwa i xa kisi ra.

¹⁶Sie nu gantanyi naxan texi e yaxuie bɛ, e bara e yɛtɛ sanyie suxu a ra.

¹⁷Alatala kolonxi a xa tinxinyi nan ma. Tinxintaree suxuma e yɛtɛ bɛlɛxɛ fɔxi nan saabui ra.

¹⁸Matandila naxee nɛɛmuma Ala ma, e birin naɲɔnma aligiyama nɛ.