Yabura 7:1-16

¹Dawuda xa bɛɛti mɔɔli nde Alatala bɛ Kusi Bunyaminka xa fe ra.

²N Marigi Alatala, i tan nan na n kantama ra. N natanga n yaxuie ma, n ba e yi ra,

³e naxa n faxa alɔ yɛtɛ mixi faxama ki naxɛ. A na naxan suxu, na mu bama a yi ra.

⁴N Marigi Alatala, xa n bara kɔbiri ramuruta,

⁵xa n bara fe ɲaaxi raba mixi ra, muxu nun naxan dɔxɔxi bɔɲɛsa kui, xa n bara n gerefa muɲa tɔɔɲɛgɛ kui,

⁶n yaxuie xa n keri, e xa n masɔtɔ, e xa n maboron, e n faxa.

⁷Alatala, n mali, i bɔɲɛ xa te n yaxuie ma. N dɛmɛn, sɛriyɛ na i tan naxan yi ra.

⁸I xa nɔɛ xa lu ɲamae xun, e xa lu i xa yaamari bun ma.

⁹Alatala, ɲamae makiiti. Alatala, n ma nɔndi makɛnɛn e bɛ n ma tinxinyi nun n ma sɛriyɛ bɛrɛ ra.

¹⁰Danyi sa fe kobi rabae xa fe ma. Sɛnbɛ fi mixi tinxinxie ma i tan, Ala naxan tinxin, naxan birin sondon ma fe kolon.

¹¹Ala, n kantama na i tan nan na, naxan mixi tinxinxi rakisima.

¹²Kiitisa fanyi nan na Ala ra, naxan xɔnɔma tinxintaree ma tɛmui birin.

¹³Xa mixi ɲaaxie mu gbilen e yuge fɔxɔ ra, Ala a xa santidɛgɛma raluganma nɛ, a a xa xali maxiri.

¹⁴Ala na faxatise yailanma mixi ɲaaxie nan xili ma, a a xa tanbɛe dɛ findi tɛ ra.

¹⁵Mixi ɲaaxi luma fe ɲaaxi nan tun naba ra. A a ɲɔxɔ sa a xɔn ma han a findi a ra.

¹⁶A yili gema han a tilin, a fa bira a yɛtɛ xa yili gexi kui.