Yabura 66:9-19

⁹A bara simaya fi won ma, a mu tin won xa bira,

¹⁰barima Ala won bɔɲɛ kolon. A bara won mato alɔ mixi gbeti matoma ki naxɛ a a raxunu alako a gbi xa ba.

¹¹I bara muxu xun ti yɛlɛ kui ra, i man bara kote dɔxɔ muxu xun ma.

¹²I bara a lu mixie xa nɔ muxu ra, muxu xa tɔɔrɔ ye nun tɛ xɔɔra. Kɔnɔ a raɲɔnyi, i bara muxu xun ti daxamui yire ra.

¹³N fama sɛrɛxɛ gan daaxi ra i xa banxi kui, n nan n ma laayidi rakamalima nɛ,

¹⁴n naxee fala n dɛ ra n nu tɔɔrɛ kui tɛmui naxɛ.

¹⁵N xuruse turaxie bama nɛ sɛrɛxɛ gan daaxi ra, alɔ yɛxɛɛ kontonyie, tuurae, nun si donbie. Ɲɛngi rate.

¹⁶Wo fa, wo xa wo tuli mati, wo tan naxee gaaxuma Ala ya ra. N xa a masen Ala naxan nabaxi n bɛ.

¹⁷N bara a xili, n bara a matɔxɔ.

¹⁸Xa yanfanteya nu na n bɔɲɛ kui nu, n Marigi mu nu a tuli matima n na.

¹⁹Kɔnɔ Ala bara n xui ramɛ, a n ma dubɛ suxu.