Yabura 55:2-21

²Ala, n ma dubɛ suxu, i naxa i nɔxun n ma maxandi ma.

³I tuli mati n na, i xa n yaabi. Xanmɛri nun gaaxui bara gɛ n suxude

⁴n yaxuie xa wɔyɛnyi xa fe ra, a nun mixi ɲaaxie xa wali kobi xa fe ra. E wama n tɔɔrɔfe, e n tɔɔɲɛgɛma xɔnɛ kui.

⁵N bɔɲɛ bara sɛrɛn, n sondonyi bara gaaxu faxɛ ya ra.

⁶Gaaxui nun sɛrɛnyi bara n suxu a ɲaaxi ra. Na bara n natagan.

⁷Xa gabutenyi nan nu na n bɛ nu alɔ ganbɛ, n nu bara siga yigiya fende nu,

⁸n nu n gima nɛ, n siga yire makuye, n sigama wula i nɛ nu. Ɲɛngi rate.

⁹N xa n gi mafuren, alɔ foye xungbe.

¹⁰N Marigi, fe kobi rabae rayensen yɛ. I naxa e lu e xa lan fe kobi ma, barima kobiɲa nun gere bara gbo taa kui.

¹¹Kɔɛ nun yanyi ra fe kobi rabae taa rabilinma, e xa fe ɲaaxi nun tinxintareya raba taa kui.

¹²E bara fe birin kana. Gbɛsɛnxɔnnɛya nun maifui bara gbo taa kui.

¹³Xa yaxui nan tun n konbima nu, n diɲɛma. Xa n xɔnmixi nan tun kelima n xili ma nu, n nan n nɔxunma nɛ a ma nu.

¹⁴Kɔnɔ i tan n lanfanma nan i ra, n xanuntenyi, n dɛfanboore.

¹⁵Won dɛ fan, won birin sigama Ala xa hɔrɔmɔbanxi.

¹⁶E xa e tɛrɛnna faxɛ ra, e xa goro gaburi kui e ɲiɲɛ ra, barima e e ɲɛrɛma fe ɲaaxie nan tun kui.

¹⁷Kɔnɔ n bara Ala xili. Alatala n nakisima nɛ.

¹⁸N gbelegbelema kɔɛ a nun yanyi ra. A bara n xui mɛ.

¹⁹N yaxuie to wuya, a bara n natanga na gere ma.

²⁰Ala naxan na a xa kibanyi kui kabi a fɔlɛ, a a tuli matima n na, a fa n yaxuie rabira, Ɲɛngi rate barima e tondixi tuubide. E mu gaaxu Ala ya ra.

²¹Yi mixie bara e bore gere, e saatɛ kana.