Yabura 51:1-14

¹Dawuda xa bɛɛti bɛɛtibae xa mangɛ bɛ.

²Annabi Natan wɔyɛnfe Dawuda bɛ a yunubi raba Batiseba ra tɛmui naxɛ.

³Ala, hinnɛ n na alɔ i darixi a ra ki naxɛ. Diɲɛ n ma fe ɲaaxi ma i xa bɔɲɛ fanyi saabui ra.

⁴I xa n nasɛniyɛn n ma fe kobi birin ma. I xa n ma yunubi xafari.

⁵N bara n ma yunubi kolon. N mu nɔma nɛɛmude na ma.

⁶N na fe ɲaaxi rabaxi i keren nan na. N naxan nabaxi a mu rafan i ma. I na n makiiti, nɔndi luma nɛ i bɛ.

⁷N barixi yunubi fe nan kui, kabi nga furi ba nɛɛnɛ ra.

⁸Kɔnɔ nɔndi na lu mixi bɔɲɛ kui, na nan nafan i ma. Na lɔnni masen n bɛ.

⁹N sɛniyɛn hisopi burɛxɛ ra, alako n xa fiixɛ. N sɛniyɛn, alako n xa fiixɛ fɔɛn alɔ xiɲɛ.

¹⁰Ɲɛlɛxinyi nun sɛɛwɛ fi n ma, alako n bɔɲɛ xa sa.

¹¹I kobe ti n ma yunubi ra, i xa n ma fe kobi birin ba n ma.

¹²N Marigi Ala, n bɔɲɛ mafindi bɔɲɛ sɛniyɛnxi ra, xaxili fanyi fi n ma.

¹³I naxa n makuya i ya tode ra. I naxa i Xaxili Sɛniyɛnxi ba n yi ra.

¹⁴Kisi sɛɛwɛ nun limaniya fi n ma naxan n malima.