Yabura 50:16-23

¹⁶Ala xa masenyi nan ya, mixi ɲaaxie bɛ, «wo na n ma yaamari nun n ma saatɛ durusife munfe ra?

¹⁷N ma sɛriyɛ mu rafan wo ma. Wo mu n ma wɔyɛnyi danxunma.

¹⁸Wo nun muɲɛtie na a ra. Wo nun yɛnɛ rabae na a ra.

¹⁹Fe ɲaaxi nan tun minima wo dɛ i, wo wule nan tun falama.

²⁰Wo nun naxan nga keren a ra, wo na tɔɔɲɛgɛma.

²¹Wo naxan nabaxi, na nan ya. Han yakɔsi n bara n sabari. Wo ɲɔxɔ a ma a n na wo sɛɛti ma, kɔnɔ n fama xaaɲɛde wo ma, n fama a birin ya bade wo bɛ.

²²Wo xa yi fe mɛ, wo tan naxee nɛɛmuxi Ala ma, xa na mara n wo xa fe kanama nɛ. Mixi yo mu wo ratangama.

²³Naxan tantui sɛrɛxɛ bama n bɛ, na mixi bara n matɔxɔ. Mixi naxan a ɲɛrɛ ki matoma a fanyi ra, n fama n tan Ala xa marakisi masende a bɛ.»