Yabura 46:1-11

¹Kora xa die xa bɛɛti bɛɛtibae xa mangɛ bɛ ginɛdimɛdi xui daaxi

²Ala, won kantama nan a ra. Won ma kantari na a yi ra. A won malima won ma tɔɔrɛ birin kui.

³Xa bɔxi sa sɛrɛn, won mu gaaxuma. Xa geya sa bira baa ma, won mu gaaxuma.

⁴Xa mɔrɔnyie sa xaaɲɛ, won mu gaaxuma. Xa geya sa a imaxa, a sɛrɛn, won mu gaaxuma.

⁵Xure nan a ra, naxan salonyie Ala xa taa rasɛɛwama. Ala Xili Xungbe Kanyi xa hɔrɔmɔlingira sɛniyɛnxi na mɛnni nɛ.

⁶Ala na na taa kui, na taa mu a ramaxama, a a malima subaxɛ nɛfɛ a li.

⁷Sie sɔnxɔɛ ratema, mangɛyae birama nɛ. Ala nɛfɛ a xui ramini, duniɲa birin xununma nɛ.

⁸Mangɛ Alatala na won sɛɛti ma. Won ma kantari na Yaxuba Marigi Ala yi ra.

⁹Wo fa Alatala xa wali mato, a gbaloe naxan luxi bɔxi ma.

¹⁰A tan nan gere ɲɔnma duniɲa birin ma. A xali girama nɛ. A tanbɛ kanama nɛ, a makantase gan.

¹¹«Wo wo raxara, wo xa a kolon Ala na n tan nan na. N si birin yamarima. N ma yaamari na duniɲa birin ma.»