Yabura 45:2-17

²Wɔyɛn fanyie bara n bɔɲɛ rafe. N xa yi wali raba mangɛ bɛ. N nɛnyi luma nɛ alɔ sɛbɛliti fanyi xa kale.

³I tofan adamadi birin bɛ, i fata wɔyɛn ɲɔxunmɛ tide, barima Ala barakɛ sama i xa fe ma tɛmui birin.

⁴I xa i xa santidɛgɛma xiri i tagi, alako i xa xunnakeli nun i xa binyɛ xa kolon. Sɔɔri sɛnbɛma nan i ra.

⁵I sɛnbɛ gbo. Te i xa sɔɔri ragise fari, nɔndi, magoroe, nun tinxinyi xa fe ra. I xa fe xungbe raba.

⁶I xa tanbɛe magaaxu. E fama i yaxuie sondonyi sɔxɔde, sie birama nɛ i sanyie bun.

⁷«Ala, i xa mangɛ kibanyi buma nɛ abadan. Tinxinyi nan findixi i xa mangɛya tɔnxuma ra.»

⁸Tinxinyi nan nafan i ma. Ɲaaxuiɲa mu rafan i ma fefe ma. Na nan a toxi i Marigi Ala bara i sugandi sɛɛwɛ kui. Fisamante nan i ra dangife i booree ra.

⁹Labundɛ nun se xiri ɲɔxunmɛ na i xa dugi ma. Xulunyi tima i xa mangɛ banxi tofanyi kui. Kɔrae ɲɛlɛxinyi xui raminima i bɛ.

¹⁰Mangɛe xa di ginɛe luma i sɛɛti ma, i xa ginɛ fan na i fɛ ma, a maxirixi xɛɛma tofanyi ra.

¹¹N ma di ginɛ, i tuli mati n na. I naxa kankan i bɔnsɔɛ ma, xa na mu a ra i xa denbaya nun i baba ma.

¹²I xa i igoro mangɛ bɛ naxan findixi i marigi ra. I tofan, i rafan a ma ki fanyi.

¹³Tirekae fama bunsee ra i bɛ, naafuli kanyie fan fanma i binyade.

¹⁴Mangɛ xa di ginɛ soma banxi kui, a maxirixi dugi tofanyi ra, xɛɛma na a ma.

¹⁵A xa konyi ginɛe a matima mangɛ xɔn. Mangɛ fan maxirixi dugi tofanyi ra.

¹⁶Ginɛ so tɛmui, mixi birin ɲɛlɛxinxi, e xulunyi tima.

¹⁷I xa die fama lude alɔ i benbae, e findi mangɛe ra bɔxi birin xun ma.