Yabura 36:3-11

³A a yɛtɛ igboma han a mu nɔma a xa yunubi tode, a mu nɔma a ɲɛrɛ ki xɔnde.

⁴A xa wɔyɛnyi ɲaaxu, a nu mixi madaxu tun. A mu fe fanyi yo kolon.

⁵A fe ɲaaxi maɲɔxunma kɔɛ ra, a fa kira ɲaaxi suxu, barima a mu tondima fe kobi lude.

⁶Alatala, i xa hinnɛ koore lima, i xa dugutɛgɛɲa sigama han nuxui.

⁷I xa tinxinyi gbo alɔ geyae. I xa kiiti tilin alɔ baa. I tan nan adamadie nun subee rakisima.

⁸Ala, i xa hinnɛ fan. Adamadie birin yigiya sɔtɔma nɛ i yi ra, alɔ tɔxɔɛ yɔrɛe luma e nga gabutenyie bun ma ki naxɛ.

⁹E wasama i xa nɛmɛ nan na, i xa fe fanyi luma e bɛ alɔ ye xinbeli.

¹⁰I tan nan gbansan nɔma adama rabalode. I xa naiyalanyi bara muxu xa kira iyalan.

¹¹I xa hinnɛ i kolonmae ra, i xa i xa tinxinyi masen tinxintɔɛe bɛ.