3Danmi n dunduxi, n mu nɔma minide tɔɔrɛ kui. N nu tɔɔrɔma nɛ yanyi birin na.
4Kɔɛ nun yanyi i xa tɔɔrɛ na n fari. N sɛnbɛ bara kana, a bara lu alɔ gbengberen yire.
5N bara n ma yunubi masen i bɛ, n mu n ma yunubi nɔxunxi fa. N bara a fala, «Fo n xa n ma yunubi ya xaran Alatala bɛ.» I tan Alatala bara n ma yunubi ba n ma.
6Mixi tinxinxi birin xa i maxandi a waxati. Xa tɔɔrɛ gbo alɔ banbaranyi, a mu sese niyama a ra.
7N ma kantari lanxi i tan nan ma. I man sunnunyi bama n ma. N i tantuma nɛ i xa maratangɛ xa fe ra.
8N wo xaranma nɛ kira ra wo lan wo xa bira naxan fɔxɔ ra. N wo rasima nɛ, n nan n ɲɛngi sama nɛ wo xa fe xɔn ma.