2wo tan naxee walima Alatala xa hɔrɔmɔbanxi kui, won tan naxee walima Ala xa banxi tɛtɛ kui.
3Wo xa Alatala matɔxɔ, barima a fan. Wo xa bɛɛti ba a xili matɔxɔfe ra, barima a rafan a ma.
4Alatala bara Yaxuba sugandi a yɛtɛ bɛ, alako Isirayila xa findi a xa ɲama fanyi ra.
5N tan a kolon a Alatala gbo, won Marigi dangi alae birin na.
6Alatala a waxɔnfe rabama nɛ koore nun bɔxi ma, a a rabama nɛ baa tilinxie ma.
7A nuxuie ratema keli duniɲa tunxunyi naani ma, a tunɛ rafa nun seyamakɔnyi, a foye xungbe ramini a ragatade kui.
8A Misira di singee birin faxa, keli mixie ma han a sa xurusee li.
9A naxa tɔnxumae nun kaabanakoe raba Misira, Firawuna nun a xa walikɛe birin xili ma.
10A naxa sie wuyaxi bɔnbɔ, a mangɛ sɛnbɛma gbegbe faxa.
11A naxa Amorikae xa mangɛ Sixɔn, Basan mangɛ Ogo, nun Kanaan mangɛ birin xa bɔxi tongo,