11Alatala a kali nɛ Dawuda bɛ, marakali naxan mu kanama, a naxɛ, «N i bɔnsɔɛ nde nan dɔxɔma i xa kibanyi ma.
12Xa i xa die sa n ma saatɛ binya, e n ma yaamarie rabatu, e xa die fan luma nɛ i xa kibanyi ma abadan.»
13Barima Alatala bara Siyoni sugandi, mɛnni nan nafanxi a ma a sabatide ra.
14A naxɛ, «N sabatide nan be ra abadan. N dɔxɔma be n ma kibanyi kui barima be rafanxi n ma.
15N barakɛ sama nɛ Siyonikae ma, n baloe fi e xa misikiinɛe ma.
16N kisi fima nɛ e xa sɛrɛxɛdubɛe ma, e dugutɛgɛe bɛɛti bama nɛ sɛɛwɛ kui.»