Yabura 119:38-52

³⁸I xa laayidi rakamali i xa konyi di bɛ, i naxan nagataxi i yaragaaxuie ya ra.

³⁹N ba yaagi kui n gaaxuxi naxan ya ra, barima i xa sɛriyɛ fan.

⁴⁰N wama birafe i xa masenyi fɔxɔ ra a fanyi ra. N nakisi i xa tinxinyi kui.

⁴¹Alatala, fa i xa xanunteya nun i xa kisi ra n bɛ, alɔ i a laayidi ki naxɛ.

⁴²Na tɛmui, n nɔma nɛ n maberema yaabide, barima n tan laxi i xa masenyi ra.

⁴³I naxa nɔndi masenyi ba n dɛ i, barima n xaxili tixi i xa kiiti ra.

⁴⁴N i xa sɛriyɛ rabatuma nɛ abadan.

⁴⁵N luma xɔrɛya nan kui, barima n na i sago nan fenfe.

⁴⁶N i xa masenyi falama nɛ mangɛe bɛ, n mu fama lude yaagi kui.

⁴⁷Birafe i xa yaamarie fɔxɔ ra, na rafan n ma.

⁴⁸N na n bɛlɛxɛe itema tantui ra i xa yaamarie xa fe ra, naxee rafan n ma. N wama n ɲɔxɔ safe i xa sɛriyɛe xɔn ma.

⁴⁹I xa ratu i xa masenyi ma, i naxan masen i xa konyi di bɛ, naxan xaxili sa fima n ma yare.

⁵⁰N madunduma n ma tɔɔrɛ kui i xa laayidi nan saabui ra.

⁵¹Yɛtɛ igboe n mayelema nɛ, kɔnɔ n mu i xa sɛriyɛ kira bɛɲinma.

⁵²Alatala, n to n natu i xa kiiti tinxinxie ma i naxan saxi tɛmui dangixi, n bɔɲɛ limaniyama nɛ.