Yaasu 15:12-45

¹²Arggo baggaara de7iya zawai Meediteraane Abbaayyo gaxan zawatees. Yihudaa zareti bantta yaran yaran ekkidi de7idoi ha zawati zaarin de7iya sohotuuna.

¹³GODAI a azazidoogaadan, Yaasu Yifune na7aa Kaaleeba gakkiya shaahuwaa Yihudaa biittaappe Qiriyaati-Arbbaa7a geetettiya Kebroona immiis. Arbbaa7i Anaaqe aawaa.

¹⁴Kaaleebi Anaaqe zareta, SHeshaaya, Ahimaananne Talmmaaya geetettiya heezzu yarata Kebroonappe kessiis.

¹⁵Hegaappe denddidi, Dabiira giyo kataman de7iya asaa olanau biis; Dabiira katamai kase Qiriyaati-Sefera geetettees.

¹⁶Kaaleebi, “Qiriyaati-Sefera olidi oiqqiya uraassi taani ta na7iyo Akiso immana” yaagiis.

¹⁷Yaagin Kaaleeba ishaa Qanaaza na7ai Otini7eeli he katamaa olidi oiqqiis; oiqqin Kaaleebi ba na7iyo Akiso ayyo immiis.

¹⁸Akisa Otini7eela geliyo wode, i aawai iyyo gade immanaadan woossana mala Otini7eeli o zoriis. Zorin a baquluwaappe wodhdhaasu; wodhdhin Kaaleebi o, “Ai koyai?” yaagidi oichchiis.

¹⁹Oichchin a, “Taayyo woituwaa imma. Neeni kase taayyo immido biittai qa77e gidido gishshau, haatta pulttota taayyo immarkkii” yaagaasu. Yaagin Kaaleebi iyyo killi pulttuwaakka hirkki pulttuwaakka immiis.

²⁰Yihudaa zareti bantta yaran yaran laattido laatati hagaappe kaallidi xaafettidaageeta.

²¹Tohossa bagga gaxan Eedooma zawaa matan de7iya Yihudaa asaa katamati Qabxxi7eela, Edeera, Yaagura,

²²Qiina, Dimoona, Adi7aada,

²³Qedeesha, Haxoora, Yitinaana,

²⁴Ziifa, Xelema, Ba7aaloota,

²⁵Haxoori-Hadaata, Qiriyooti-Hexiroona woikko Haxoora,

²⁶Amaama, SHamaa7a, Molaada,

²⁷Haxaari-Gaadda, Heshimoona, Beeti-PHaleexa,

²⁸Haxaari-SHu7aala, Berssaabeha, Biiziyootiyaa,

²⁹Baa7aala, Iyuuma, Exeema,

³⁰Elttolaada, Kasiila, Horima,

³¹Xiqilaaga, Madimaana, Sanssaana,

³²Lebaawoota, SHilihiima, Ainanne Rimmoona. Ha katamati bantta moottatuura issippe laatamanne uddufuna.

³³Garan de7iya katamati Eshttaa7oola, Xor77a, Ashiina,

³⁴Zaanooha, Engganiima, Taappuha, Enaama,

³⁵Yarmmuuta, Adulaama, Sooko, Azeeqa,

³⁶SHaa7iraima, Aditaima, Gadeeranne Gaderootaima. Ha katamati bantta moottatuura issippe tammanne oidda.

³⁷Qassi Yihudaa katamati Xinaana, Hadaasha, Migidaala-Gaada,

³⁸Diili7aana, Mixiphpha, Yoqiti7eela,

³⁹Laakisha, Boxiqaata, Egiloona,

⁴⁰Kaboona, Laahimaasa, Kitiliisha,

⁴¹Gaderoota, Beeti-Daagoona, Naa7imaananne Maqqeeda. Ha katamati bantta moottatuura issippe tammanne usuppuna.

⁴²Qassikka Liibina, Eteera, Ashaana,

⁴³Yifttaaha, Ashiina, Naxiiba,

⁴⁴Qa7iila, Akiziibanne Mareesha. Ha katamati bantta moottatuura issippe uddufuna.

⁴⁵Hegaadankka, qassi Eqiroona katamaa ba heeran de7iya qeera katamatanne moottata ubbaa.