YAASINƆ 8:5-13

⁵Nigãzĩdeenↄ, à làakari wɛtɛ àgↄ̃ vĩ, yↄ̃nkↄↄnↄ, à tó àgↄ̃ laasuu vĩ.

⁶À swã kpá, zaakɛ yã tìisin mɛ́ oare, yã dↄ̀rↄdee bé eé bↄ ma lɛ́n.

⁷Zaakɛ ma lɛ́ è yãpuraa o, ma za à zaaan.

⁸Yã kɛ̀ aↄ̃ↄ kú ma lɛ́nnↄↄ maa, aↄ̃ kee mↄnafiki ke sãsãna vĩro.

⁹À súusu asãnsideenↄnɛ píngi, à zɛ́ vĩ gbɛ̃ kɛ̀ aↄ̃ↄ dↄ̃na vĩinↄnɛ.

¹⁰À ma lɛ́damma sɛ́ dɛ kondogila, à dↄ̃na sɛ́ dɛ vura maaala.

¹¹Zaakɛ ↄ̃ndↄ̃ↄ bɛ̀ɛ vĩ dɛ gbɛ̀bainↄla, pↄ́ke nii kúmma kɛ̀ kà à ũro.

¹²Mamↄma ↄ̃ndↄ̃, má làakari vĩ, má yãkɛna a zɛ́a dↄ̃na vĩ.

¹³Vĩakɛna Diinɛn zana à zaaan ũ. Ma za zĩndasɛna lezĩn kↄ̃n ĩadãnao kↄ̃n kuuna zaaao kↄ̃n yãlɛkpɛɛ'onao.