YAASINƆ 8:26-35

²⁶ai àgↄ̃ gá anduna káɛ, ke sɛ̃̀tɛ ke bùsu wɛ́n doo.

²⁷Kɛ̀ èe pↄ́ kɛ̀ kú musunↄ kɛɛ, kɛ̀ èe bàtuma daa ísiaala,

²⁸kɛ̀ èe lou naa musu, kɛ̀ èe tↄↄtɛ í zɛ́ fↄ̃ↄ,

²⁹kɛ̀ èe ísia zɛki lɛ́ kɛɛ, lɛ à í tón vĩ à zɛki lɛ́laro, kɛ̀ èe anduna kaɛɛ, má kú gwe.

³⁰Má kú à saɛ ↄzĩkɛri maaa ũ, ma pↄↄ ègↄ̃ nna à aɛzĩ lán guu e dↄↄ nà, mɛɛ̀gↄ̃ pↄnnaa kɛɛo gurↄ sãnda píngi.

³¹Ma pↄↄ ègↄ̃ nna Dii andunaa, gbɛ̃nteenↄↄ dɛ ma pↄnnakɛbↄ ũ.

³²Tia sa, ma nɛ́nↄ, à ma yã ma, aubarikadeen gbɛ̃ kɛ̀ ma zɛ́ kũna ũ.

³³À ma lɛ́damma ma à ↄ̃ndↄ̃ kũ, àton pã kpáziro.

³⁴Aubarikadeen gbɛ̃ kɛ̀ èe swã kpaa ma yãzi ũ kɛ̀ ègↄ̃ ma wɛtɛɛ ma kpɛɛlɛ, kɛ̀ ègↄ̃ ma dãa gurↄ sãnda píngia.

³⁵Zaakɛ gbɛ̃ kɛ̀ ma ee wɛ̃̀ndi è, eégↄ̃ nna kↄ̃n Diio.