YAASINƆ 30:2-13

²zaakũ ma yↄ̃nkↄkɛ de dakenↄ pↄ́la, má bisãsiri asãnsĩni vĩro.

³Mádi ↄ̃ndↄ̃ dadaro, má Luda dↄ̃na vĩro.

⁴Dí mɛ́ à gɛ̀ɛ ludambɛ yã à sùu? Dí mɛ́ à ĩa kàkara à kũ̀ a ↄĩi? Dí mɛ́ à legũ'i kòko a pↄ́kasann? Dí mɛ́ à zĩtɛ lɛ́zɛkinↄ kɛ̀ɛ? A tↄ́n deraa? A Nɛ́ tↄ́n deraa? Tó ń dↄ̃.

⁵Luda yãnↄ pínki à mamberu vĩro, àdigↄ̃ de sɛ̃gbako ũ gbɛ̃ kũ à nàaiinɛ.

⁶Ǹsun yãke kara a yã gũnlo, de àsun n ɛ́kɛ kánnɛ n ↄĩro yãi.

⁷Yã mɛ̀n plan matɛn gbɛkamma Dikiri, ǹsun gíomɛnɛro ari màgↄ̃ gɛ́ ga.

⁸Ǹ ma kɛ̃ yãpã'onaaa kũ ɛ́kɛtonaao, ǹgↄ̃ ma gba pↄ́ble mↄkↄ̃ana. Ǹsun ma kɛ takaside kesↄ̃ ↄgↄdaside ũro,

⁹de pↄ́ súngↄ̃ dimai mà ledi kpányĩ mà pi dímɛ Dikiri ũ yãi, de takasi sún ma kũ mà kpãni o mà n tↄ́ yakaro yãi.

¹⁰Ǹsun yã dí zↄ̀ↄa a dikiri kĩnaaro, de àsun n ká à wí n musuro yãi.

¹¹Gbɛ̃kenↄ kun òdi ń denↄ tↄ́ bɛ̃̀nɛ sí, òdi ń danↄ sↄ̃sↄ̃.

¹²Gbɛ̃kenↄ kun òdigↄ̃ da ò gbãsĩro, ama ń vãnikɛ dí kɛ̃ḿmaro.

¹³Gbɛ̃kenↄ kun òdi ń zĩda bi, òdi gbɛ̃nↄ gwa ò mì zu.