YAASINƆ 30:16-26

¹⁶Gɛ̀wãa kↄ̃n pãa nɛ́'isↄo kↄ̃n tↄↄtɛo zaakɛ í è mↄ́aro kↄ̃n tɛ́o zaakɛ è be a kãro.

¹⁷Wɛ́ɛ kɛ̀ nɛ́ è a de faboo bensↄ̃ è kyakao a dan, swawɛɛ gbáa kãnkãnanↄ é à wɛ́ɛ pì bↄ, yeberekunↄ é à gɛ̀ ble.

¹⁸Yã mɛ̀n aagↄ̃ kuu kɛ̀ aↄ̃ↄ dɛ ma dↄ̃nala, à kà mɛ̀n siigↄ̃ se má ń mì dↄ̃ro:

¹⁹Zɛ́ kɛ̀ kúu ègↄ̃ tɛ́o musu, zɛ́ kɛ̀ mlɛ̃̀ ègↄ̃ táa oon gbɛ̀ sàraa, zɛ́ kɛ̀ góro'itɛ ègↄ̃ tɛ́n ísiaa dagura kↄ̃n zɛ́ kɛ̀ gↄ̃gbɛ̃ ègↄ̃ yeo nↄkparɛzio.

²⁰Nↄ zinakɛri yãkɛnan yɛ̀: È pↄ́ ble à ↄ ma a lɛ́a à be ée yã zaaa kɛro.

²¹Yã mɛ̀n aagↄ̃ bé è tó tↄↄtɛ lugaluga, à kà siigↄ̃ se, tↄↄtɛ é yã pìnↄ fↄ̃ro:

²²Zↄ̀ kɛ̀ à kpata blè, yↄ̃nkↄↄ kɛ̀ pↄ́ blè à kã̀,

²³nↄgbɛ̃ kɛ̀ wà zàn ben à zã kɛ̀ kↄ̃n zↄ̀ nↄkparɛ kɛ̀ gↄ̃̀ a dii zã nↄↄ ũuo.

²⁴Pↄ́ nɛ́ngonↄↄ kú tↄↄtɛ mɛ̀n siigↄ̃, mↄde aↄ̃ ↄ̃ndↄ̃ↄ vĩ maamaa:

²⁵Babannɛnↄ kuu pↄ́ gbãaanↄ ũro, mↄde aↄ̃è blɛ zi di kwɛɛmɛ.

²⁶Gbɛ̀'ɛ̃ɛnↄ kuu pↄ́ bítanↄ ũro, mↄde aↄ̃è bɛɛ bo gbɛ̀kotoommɛ.