YAASINƆ 30:12-33

¹²Gbɛ̃kenↄ kun òdigↄ̃ da ò gbãsĩro, ama ń vãnikɛ dí kɛ̃ḿmaro.

¹³Gbɛ̃kenↄ kun òdi ń zĩda bi, òdi gbɛ̃nↄ gwa ò mì zu.

¹⁴Gbɛ̃kenↄ kun ń saka de lán fɛ̃nɛda bà, ń saka sↄ̃ntɛnↄn de lán fɛ̃nɛnↄ bà, òdi andunia takasidenↄ kũ bisãsiri wɛ̃ndadenↄ kɛo yákiyaki.

¹⁵Toro nɛ́nↄgbɛ̃nↄ vĩ mɛ̀n pla, òdi pi: Ǹ ó gba, ǹ ó gba. Pↄ́ mɛ̀n aakↄ̃ kun kũ òdi kãro, à kà siikↄ̃ se, òdi pi pↄ́ mↄ̀ḿmaro:

¹⁶Gyãwãn kũ para nɛ́'isↄↄo kũ zĩtɛ kũ í dì mↄ́aroo kũ tɛ́ kũ àdi pi a kãroo.

¹⁷Wɛ́ kũ nɛ́ dì a de foboo akũsↄ̃ àdi a da gya boo, swawɛɛ kãakãannanↄ ni a wɛ́ pì bo, yumburukunↄ ni a gɛ̀ ble.

¹⁸Yã mɛ̀n aakↄ̃ kun kũ ò de ma dↄ̃nala, à kà mɛ̀n siikↄ̃ se má ń mì dↄ̃ro:

¹⁹Zɛ́ kũ vãu dìgↄ̃ tɛ́o musu, zɛ́ kũ mlɛ̃̀ɛ dìgↄ̃ táa on gbɛ̀ sàraaa, zɛ́ kũ gó'itɛ dìgↄ̃ tɛ́n ísira dagura kũ zɛ́ kũ gↄ̃gbɛ̃ dìgↄ̃ ye nↄkpareiio.

²⁰Nↄ zinakɛri yãkɛnaan dí: Àdi pↄ́ ble à ↄ má a lɛ́a à pi ádi yã vãni kɛro.

²¹Yã mɛ̀n aakↄ̃ mɛ́ àdi tó zĩtɛ lukaluka, à kà siikↄ̃ se, zĩtɛ ni yã pìnↄ fↄ̃ro:

²²Zↄ̀ kũ à kpata blè, yↄ̃nkↄ kũ à pↄ́ blè à kã̀,

²³nↄgbɛ̃ kũ ò zã̀agu akũ à zã kɛ̀ kũ zↄ̀ nↄkpare kũ à gↄ̃̀ a dikiri zã nↄ ũo.

²⁴Pↄ́ fítinↄn kú zĩtɛ mɛ̀n siikↄ̃, ama ò ↄ̃ndↄ̃ vĩ manamana:

²⁵Babarenↄn kun pↄ́ gbãnanↄ ũro, ama òdi pↄ́ble zàna kɛ sakaremɛ.

²⁶Gbɛ̀'ɛ̃nɛnↄn kun pↄ́ zↄ̃kↄ̃nↄ ũro, ama òdi bɛ bo gbɛ̀ daguramɛ.

²⁷Kwanↄ dìgↄ̃ kína vĩro, ama òdi bↄtɛ ò zɛzɛ gã̀ kũ gã̀aomɛ.

²⁸Ĩni fↄ̃ ǹ zukpata kũ kũ ↄo, ama àdi gɛ́ na kína kpɛ́ sakaaimɛ.

²⁹Pↄ́ mɛ̀n aakↄ̃ kun kũ ń tɛna mana, à kà siikↄ̃ se, ń táa'ona nna:

³⁰Músu kũ à de gↄ̃sa ũ nↄ̀bↄnↄ tɛ́, àdi boru kpɛ pↄ́kenɛro

³¹kũ kosa kũ à tuke bòoo kũ blèkofĩniio kũ kína kũ à kú a zĩ̀karinↄ arɛo.

³²Tó n yↄ̃nkↄyã kɛ̀ zĩdabinaa gũn ke tó n yã vãni laasun lɛ̀, ǹ ↄ kú n lɛ́a,

³³zaakũ lákũ òdi vĩ fakam pá à nísi bo nà, ke lákũ òdi yĩ kũ ò fĩ à aru bo nà, lɛn gbɛ̃ pↄfɛ̃naa dì fìti da lɛ.